100003b_.html
100002b_.html

FACSIMILE



MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

21

Item was het een kijndt van Utrecht, dat alzoe groet gebreck aent water had, dat zijn buijck all swart geworden was, alzoe dat d’ouders daer groet iamer aen saghen. Zij hebben haer geloeft mit den kijnde en terstont is hem dat water geloest ende is genesen.

22

Item het was een kijndt van Lunteren, dat iiij iaeren out was ende noch niet gaen en conde. Die ouders hebben haer bevaert geloeft ende t’kijndt wert gaende.

23

Item het was een wijff vander Goude, die bijster haers sins was, alzoe dat haer iiij luijden niet wel houden en conden. Die vrienden loeffden haer bevaert ende zij wert gesont ende heeft hier haer bevaert gedaen.

24

Item het was een knecht van Utrecht, die xiij jaer doeff geweest hadde. Hij heeft zijn bevaert geloeft, wollen ende bervoets, mit een wassen hoeffde. Terstont is hij hoorende geworden ende is hier gecoemen en dede zijn bevaert.

25

Item het was een man, die zijn kijndt geslaghen had mit een bijell, dattet bleeff leggen, recht oft doot geweest hadde. Die ouders hebben haer bevaert geloeft tot Onser L.Vrouwen t’Amersfoert en terstont is dat kijndt ontspronghen ende voert gebetert.

26

Item het was een maghet van Heerde, die beseten was viij weecken lanck, alzoe dat d’boose gheest vuijt haer plach te spreecken. D’vrienden hebben haer bevaert geloeft tot Onser L. Vrouwen t’Amersfoert ende d’vijant is gerueijmt. Ende zij is gercoemen ende heeft selver gesont haer bevaert gedaen.

27

Item het was een kijndt van Hilffersom, dat lange wijele verdrenct was. Die ouders loeffden hier haert bevaert ende te hant is het kijndt ontworpen ende gesont geworden.