100012b_.html
100011b_.html

FACSIMILE



MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

98

Item het was een man van Deventer, die hem verspannen had mit een armborst, alzo dat hij geschuert was, daer hij ij iaer aen te meijsteren ghinck ende hem nijet en halp. Doe loeffde hij zijn bevaert tot Onse L. Vrouwen t’Amersfoert, wollen en bervoets, mit een goede offerhande. Ende hij is gesont geworden.

99 Item het was een, die te Boemel in die stock gevangen sat. Hij loeffde zijn bevaert Onse L. Vrou t’Amersfoert te versoecken ende terstont ghijnck die stock bij hem selven open. Ende hij is vrij van daer gegaen ende is gecoemen en dede zijn bedevaert.

100  Item het was een kijndt vander Goude van xvj iaeren ende hadde wel xxxvj grote gaten aen beijde zijn beenen ende in groter cranckheijt was, alzoe datmen ander nijet en meenden, dan dat beijde zijn beenen offgaen souden. Hij heeft hooren segghen van die grote ghenade die Maria die Moeder Goedts t’Amersfoert daechgelicxs thoende was ende heeft zijn bevaert geloeft. Ende hij wert mit beijden beenen gesont.

101

Item het was een man van Zutpheen, die xiij iaeren geschuert hadde geweest, alzoe dat hij geen hulp van die meijsteren conde gechriegen. Hij loeffde zijn bevaert tot Onse L. Vrouwe t’Amersfoert ende binnen xiiij daghen daer na wert hij gesont.

102

Item het was een man van Eede, die xxiiij iaer grote zeericheijt in zijn hoeft gehadt had, dat hij t’laesten all doef was geworden. Ende doe hij een maent aldus doeff geweest had, wert hij denckende op die ghenade, doe Onse L. Vrouwe tot Amersfoert thoende. Hij loeffde Onse L. Vrou te versoecken mit twe wasschen ooren. Ende hij wert gesont ende wel  horende.