100035a_.html
100034a_.html

FACSIMILE


MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

244

Item inden selven jaeren was een ionghe maghet van xviij jaeren, woenende t’Eemden in Vrieslandt, en voel van die solder neder op den anderen, soe dat zij voer doot bleeff legghen van X uren tot X uren. Ende soe vroech als haer vrieden geloeft hadden haer te weghen mit wijn ende mit weyt, soe ontspranck zij ende bequam, want dat bloet terstont inder valle quam ten ooren vuijt. Ende zij heeft haer bevaert gedaen saterdachs voer S. Jacob tot Maria hier.  Anno Mccc xLviij op den xxx Augusti.

245

Item het was een Jonge Maghet in Nijecoep, die wert zijeck op S. Jans baptista dach van verveernisse. Ende bleeff te bedden leggen ses weecken. Die vader en moeder loeffen haer bevaert tot Onse L. Vrou t’Amersfoert. Die dochter wert gesont, dan t’een been bleeff corter, dan t’ander. Ende op S. Jans decollationis dach, als d’ouders reetschap maeckten om die beloften te volbrengen, ende die dochter van huijs was, doe quam die dochter t’huijs gaen, gesont sonder krucken.

246

Item het was een stuerman van Amsterdam, die mit gesellen onder Vlaenderen des Dijnsdaechs nae S. Catharina dach waren in groeter noedt,. Ende anders nijet en saghen dan dat schip terstont te breecken, want bij hem brack een schip, well van cc last. Ende dat volck daer mede verdranck. Ende zij loeffden haer bevaert voer Onse L. Vrou, die inden water gevonden was, mit een wasschen schip. Ende terstont soe chregen zij genade ende troest ende behouden vuijt alle noodt. Ende die stuerman dede zijn bevaert des Dijnsdaechs nae Onse L. Vrouw conceptionis dach. Anno Domini M.cccXKLViij.