100041a_.html
100040a_.html

FACSIMILE


MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

275
Item het was een wijff van Swol xiiij weecken blijnt. Ende zij lieffde haer bevaert tot Onse L.Vrouwen t'Amersfoert. Ende zijn wert siende ende quam en dede haer offerhande, danckende God ende Maria.

.
Mirakel 276

Item het was een vrou van ’s Graven Haghen en had een kijndt van iiij jaeren. Ende dat kijndt was beroert mitter popelzijen, dattet nijet spreecken en conde. Ende d’een siede van zijnen lijff was all stijff. Ende die ouders loeffden haer bevaert tot Onse L. t’ Amersfoert. Ende dat kijnt wert gesont. Ende zij quamen en deden haer offerhanden en dancten God ende Maria.


277

Item het was een man van Haerlem, die zijn soon verloren had in Engelandt, die hijj seer lijff  hadde. En doe hij die maer hoerde, dat hij doot was, wert hem dat hoeft bevende ende bleeff hem schuddende iij weecken lanck, dat hem niemant raedt doen en conde. Hij hoerden segghen van die genade Onser L. Vrouwen t’ Amersfoert. Ende hij loeffde hier zijn bedevaert ende binnen ij daghen wert dat hoeft te pas. Ende heeft selver dit geseijt ende zijn bevaert gedaen

.

278

Item het was een man woenende inden Brijell, die in sie Spaensche zee was mit zijn XXIX in een schip. En overmits onweder worden zij seijl, mast ende roer quijt. Ende zij loeffden gelijck haer tot Onse L. Vrou t’ Amersfoert, mochten zij die haven gechriegt off t’lijff behouden. Ende terstont als zij gelijck haer bevaert geloeft hadden, wert dat weer geslest, en zijnt te lande gecomen, ende haer bevaert gedaen.