MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
286
Itemhet was een vrouw die een kijndt te bedden had geleijt. Ende doe dat kijndt in slape geworden was, gaff het een roep en bleeff daer mede doot. En doe die moeder quam en sach haer kijnt gesmoert inden bedde, heeft zijh haer bevaert geloeft t’ Ameersoert tot Onse L. Vrou. Ende haer kijndt is gesont geworden. Ende heet viij uren off dear en boven doot geweest.
287
Item het was een man van Bech beseten mitden boosen gheest, gelijck als die priesteren saghen mit grote iamer. Ende die vriednen en ahen hebben aangeroepen Onde L. Vrou t ‘ Amersfoert mit een priester ende x iiij pilgrommen. Ende die voerseijde man wert verlost binnen iiij daghen.
288
Item daer was een man gevangen int landt van Cleeff van zijn vijanden. Ende hij heeft aengeroepen Onse L. Vrou t’ Amersfoert. Ende hij heeft een mes gechregen van zijn vijanden ende heeft dat trouwe ontwe gesneden ende is quijt gecoemen. Ende heeft hier zijn bevaert gedaen.
289
Item het was een kijndt van Deventer van vij jaeren, dat alle leven stom had geweest. Die ouders loeffden haer bevaert tot Onse L. Vrou t’ Amersfoert ende tkijndt wert spreeckende. Ende zij hebben haer bevaert gedaen, danckende God ende Maria.
