100062a_.html
100061a_.html

FACSIMILE


MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

387

Item het was een man van Oudevercoep, die gesteecken wert after tot zijnre ruggen in ende voer weder vuijt. Ende voerts twee dootwonden, alzo dat hem dat vreijsem off liep ende hij lach dat hij niet sien noch spreecken en konde. Doe quam die priester vander kerkcken, die zijnre huijsfrou seyde, dat zij haer bevaert loven soude mit haer man tot Onse L. Vrouwe t’ Amersfoert. Hij soude mit die hulpe Goedts well gesont werden. Doe loeffdet wijff haer bevaert mitten mit iij pont wasses ende te hant wert hij swetende. Ende hij wert mede siende. Ende hij is gesont geworden, boven dat hem geen meijster lijff en gaff. Ende hij heeft zijn bevaert hier gedaen als zijn wijff beloeft had mit hem.


388

Item het was een wijff van Burenmalsen, die was wel iij jaer zeer beladen mitten water, alzo dat haer alle die meijsters t’lijff ontseijden.Zij loefde haer bevaert tot Onser L. Vrouwen ende zij is te hant vanden water verlost. Dese vrouwe had een kijndt mit haer inden weghen, doen zij haer bevaert  doen soude, van tien jaren, dat zijn arm gebroecken had ende was geheelt, maer zij had hem een halff jaer soe stijff geweest, dat hij zijn hant niet op en onde gerecken. Ende dat kijndt is mede inden weghe gesont geworden.


389

Item het was een vrou van Vollenhoeff, die xLviij weken bijnt had geweest. Zij loeffde haer bevaert ende zij is inden weghe weder siende geworden.


390

Item het was een vrou, die ene kijndt had, dat zijn been benden zijn knije dicker was dan zijn dije. Ende hem was oock op zijn lenden een groot stuck vleijssches gewassen. Die moeder loeffde haer bevaert t’ Amersfoert mitten kijnde te doen binnen eenre tijt. Des is die knecht gesont geworden. Ende als die tijt quam, datdie moeder die bedevaert doen soude, vergat zij dat te doen. Ende doe wert dat kijndt te hant doeff. Doe quam die moeder mitten zoon, die bevaert te doen. Ende doe zij in die weghe waren, wert het weder hoorend ende gesont.