100073a_.html
100072a_.html

FACSIMILE


MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

434
Item het was een man ende een wijff, wonende op die Oude Rijn. Dese hadden een kijndt, dat verdrencte in een graeff, alsoe dattet wel ij uren voor doot lach. Dese ouders hebben geloeft haer kijndt te weghen voor Onse L.Vrouwen beeldt t'Amersfoert. Ende tkijndt is onmtworpen.


435                                        Anno Lxiij
Item des gelijcxs t'was een vroutgen van Utrecht en had een kijndt, dat lange tijt gevallen lach in een wort tob. Die vrou ist gewaer geworden ende heeft haer kijndt vuijtgetoghen lovende haer bevaert voor Onse L. Vrou t'Amersfoert. Ende dat kijndt is gesont geworden.

436                                         Anno Lxiiij
Item het was een man van Bremen, die lange tijt sijnre sinnen beroeft geweest had. Een vroutgen van des goets mans weghen, loeffde haer bevaert voer dat beeldt van Onse L. Vrou t'Amersfoert ende terstont is die man voerseijt gesont geworden.

437                                         Anno Lxiiijde
Item het was een man woenachtich int landt tusschen Oudewater en Woerden, welck man van huijs gerijst was ende int wederkoemen vijndende sijn huisfrou in arbeijt gaende, durende een lange tijt. Dese man heeft zijn bedevaert geloeft te doen voer dat beeldt van Onse L. Vrouwe t'Amersfoert. Ende cort daer nae. soe is dat vrouken voerseijt verlost vanden kijnde, dat scheen wel ij daghen doot geweest te hebben.

438                                          Anno Lxiiij
Item het was een vroutgen van Naerden, die een kijntgen had, dat een halve nacht int water verdrenct gelegen had. Dat vroutgen voerseijt is smorgens vuijt gegaen, soeckende haer kijndt ende heeft het gevonden verdrenct. Zij loeffden haer bevaert voer dat beeldt Onser L. Vrouwen t'Amersfoert. Ende terstont is dat kijndt levendich geworden.