100075a_.html
100074a_.html

FACSIMILE


MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

447
Item een man geboren vander Goude was beseten vanden boosen vijandt. Hier mit sijnen vrienden sijn bedevaert lovende. Ende terstont als hij quam voer dat eerweerdighe beeldt, is hij gesont ende verlost geworden.

448                                         Anno LXXI
Item een man in Vrieslandt had een kijndt dat verdrenct was ende was ij uren doot. Ende hij loeffde hier zijn bedevaert ende dat kijndt wert weder levende.

449
Item des gelijcxs een man van Groeningen was zijn kijnt oock verdrenct. Ende hij loeffde zijn bevaert voer Onse L. Vrou t'Amersfoert ende twert weder levende.

450                                          LXXI
Item een kijndt was in de Haerlemer Hout ende wert gebeeten van een slang. Ende dat venijn toech op ende begon te swellen, alzo seer dat die ouders meenden, dattet kijnt geborsten soude hebben. Ende die ouders loeffden hier haer bevaert mitten kijnde ende des smorgens daernae was t'kijnt altemael genesen.

451
Item het was een man, ende hadde seven iaeren op crucken gereden ende negen vierdel  iaers in zijn bedde gelegen. Ende doe hij hier zijn bedevaert geloeft hadde, wert hij gesont ende quam hier en offerde zijn krucken.