100086b_.html
100085b_.html

FACSIMILE


MIRAKELBOECK

ONSER LIEVER VROUWEN

‘T AMERSFOERT

Uitgave ‘Het Onze Lieve Vrouwe Gilde”

Amersfoort 1946

508
Item oock op den selven jaer; vaert; ende nacht; was daer een vrouken van Campen beseten vanden Duvel, ende seijde, dat zij oock op die zelfde tijt verlost wort, want vuijt haer mont ghijnck een dinck off het een rot geweest had, als haer docht.

509
Item een man van Beverwijck wort gevangen in Vrankrijck bij Diepen. Ende als hij daer omtrent IX weken gelegen had, soe is hij denckende geworden op Onse L.Vrouwen genade t'Amersfoert. Ende heeft  daer zijn bedevaert geloeft ende doe hij zijnbevaert geloeft hadde, chreech hij en cleijn mesken, daer brack hij mede vuijt die muren van die toorn ende quam soe hier en dede zijn bedevaert des Maenendaechs nae Onser L.Vrouwen Hemelvaerts dach Anno Mcccc xcij.

510
Item te Tessel was een man en had een dochterken van xiij iaeren. Ende op haer oghe was  gewassen een schelle, dat zij daer niet  mede sien en coste en daer toe grote pijne. Ende zij deden grote raedt, om dat oghe te heelen ende ten holp all niet, alsoe dat hij  denckende wert op die miraculen van Onse L.Vrou t'Amersfoert ende hij loeffde mitten kijnde zijn bevaert voer Onse L.Vrou. Ende een ure daer nae wert datr meijsken vrivende zijn oghe van smerten. Ende daer quam die schelle leggende op haer vijngeren. Ende dit geschiede Anno Mcccc xcij.
511
Item het was een vrou van Utrecht, ende had een lamme narm. ende hadse soe gedragen vijff iaer lanck ende was also lamme ende doeff, dat zijse  niet en voelden, alsmen daer mit een spelde in stack ende daer en liep oock geen bloeit vuijt. Aldus wesende in ellende, loeffde zij Onse L.Vrou t'Amersfoert te versuecken mit een wasschen arm ende zij is in die stadt van Amersfoert voer Onse L.Vrou gesont geworden op S.Victoris avont anno Domini nostri Jesu Christi Mcccc xcij.