MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
182
Item het was een vrou van Meghen, ende was altemael verkijnst, alzo dat zij geen schaemt off verstant en hadde. Die vrienden lovende haer bevaert t’Amersfoert. Te handt creech zij soe schoen verstant, als zij ije gehadt hadde.
183
Item het was een vrou vuijt Meghen ende quam in een grote zuijckte, alzoe dat zij haer bereijde ter doot ende bleeff well vij uren leggen, alzoe datmen geen teijken des levens in haer sien konsten, alsmen haer dootschreen bereijden. Doe loeffden die vrienden haer bevaert tot onse L. Vrouwe t’Amersfoert ende te hant ontwerpt zij weder, God ende Maria danckende. Ende zij dede haer bevaert mit blijschappen.
184
Item het was een man van Haerlem, ende had cruepel gegaan mitten eenen been, alzoe dat hij mede bezuijcket wert van Sint Anthonis vuijer. Ende lach te meijsteren tot S. Hertoghen bosch ende oock tot Mr. Wolter van Tuernhout, alzo dat alle meijsteren hem rieden, datmen hem zijn been solde off snieden. Doe sprach hij: “Soe help mij Maria t’Amersfoert.” Ende loeffde daer zijn bevaert ende nae iij weecken quam hij sterck ende dede zijn bevaert blijdelick.
