MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
239
Item het was een joncknecht van xviij jaeren en daer boven woenende toe Wie inden Kerspel, die bezuket hadde geweest van Sint Cornelis van kijnde, die als vader getuijgde. Ende had zijn bevaert tot Sint Cornelis boven Aken gedaen, ende hij en beterde nijet. Ende doe die vader vanden voerseijden knechte zijn bevaert had geloeft t t’ Amersfoert Onser L. Vrouwen, die inden water gevonden was, beterdet terstont aen, als die vader getuijchde. Ende zij hebben den bevaert volbracht Anno Mccc XLViij, des donderdaechs nae S. Odulphus dach.
240
Item het was een jonckman woenende te Lent bij Nijmmegen, die storte vanden paerde. Soe bleeff hij bij een vierdel van eenre uren volnae doot legghen. Doe loeffde zijn huijsfrou hem te weghen mit wijn ende mit weijt voer Onze L. Vrou t’Amersfoert, die daer inden water gevonden was. Ende hij quam terstont weder ende was gesont, ende heeft zijn bevaert gedaen des Donredaechs voer S. Jans avont middensomer.
241
Item te Haerlem was een ionckgeselle die xvj jaeren beseten hadde geweest mit xvj vijanden. Ende mocht hem nijet verlossen, maer ten lesten, die leste vermaenijnghe sprack die boose gheest, dat men hem brenghen soude t’Amersfoert voer dat Marien beeldt, inden water gevonden. Ende terstont als die moeder dat geloeft hadde, wert hij verlost ende heeft zijn bedevaert mit zijn moeder gedaen des Donredaechs voer Sint Jans avont middesoemer.
