MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
249
Item Anno M ccc XLIX quam een schipman van Brouwers haven, die lang in zijnre zijden een maniert van een langwerpende steen, die bijkants vij loet of meer woech, gedragen had. Soe dat dese steen mit een swerijnghe vuyt zijne villingen binnen die lijesschen sich openbaerde. Doe loeffde hij zijn bevaert te doen voer Onse L. Vrou t’Aersfoert mit zijn offerhanden. En desen man hevet den selven steen gebrocht voer Onse L. Vrou en gelaten, die meinnich mannen ende vrouwen gesien hebben openbaerlick.
250
Item Anno voorseijt was een maghet een halff mijele bij Deventer, die op den Karsdach dat H. Sacrament ontvangen had. Ende des avonts, omtrent VI uren haer verckens, dat beslach, twelck kout geworden was, voer brengen soude, soe wert zij van een swert paerdt geslagen, als haer dochte, alzoe dat zij van haer selven quasm. Ende zij creech een sinne inwendlich, dat zij Onse L. Vrou inden water gevonden t’Amersfoert, soude versoecken, wollen en bervoets. Dat zij geloeffde mit iij pont wasch. Ende te hant wert zij beterende. Ende zij heeft haer offerhande gebrocht mit vijff personen.
251
Item te Ravezwa, voer middelwijnter, is geweest een maghet van vij jaeren, die toe gesproecken is, ende vervaert. End eis all naeckt in die Lecke gesprongen, end eis daer een halff ure lanck in geweest. Ende drie mannen van u\Utrecht hoerden in d’Lecke dat geruft, ende zijn tot des maghet vaders huijs aengeroepen. Ende die iij mannen en die vader loeffden haer bevaert tot Onse L. Vrou t’Amersfoert. Ende zij hebben d’maghet mit lederen ende mit stocken vuijt gechregen. Ende die maghet loeffden haer selver. Ende zij hebben haer bevaert gedaen.
