MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
278
Item het was een man woenende inden Brijell, die in sie Spaensche zee was mit zijn XXIX in een schip. En overmits onweder worden zij seijl, mast ende roer quijt. Ende zij loeffden gelijck haer tot Onse L. Vrou t’ Amersfoert, mochten zij die haven gechriegt off t’lijff behouden. Ende terstont als zij gelijck haer bevaert geloeft hadden, wert dat weer geslest, en zijnt te lande gecomen, ende haer bevaert gedaen.
279
Item het was een overste van susteren in Zerixzee, die die nije sieckt all had. Ende dorsdt het nijet die susteren, hoe het mit haer was. Ende zij loeffde haer bevaert t’ Amersfoert in grooter noodt en goet betrouwen hebbende. Ende terstont wert zij die dijngen quijt. Ende heeft selver dit geseijt ende bevaert gedaen.
280
Item een kindt van Schoenhoven iiij daghen nijet gesoecken en conde en mede mit die steen becoemert was. Die moeder loeffde haer bevaert ende is gesont geworden. Ende d’ moeder heft mitten kijnde haer bevaert gedaen.
281
Item een man van Huijsdunen, end elach aen die steen en conde geen raedt chriegen, loeffde zijn bevawert t’ Amersfoert ende heeft die steen mit een wasschen beeldt gebrocht.
