MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
282
Item een wijff van Amsterdam had ij kijnderen, die geschuert waren. Zij loeffden haer bevaert t’ Amersfoert ende zijnt genesen.
283
Item een wijff van Amsterdam had een kijn dt van iiij jaeren dat xiiij weecken blijnt was. Zij loeffde haer bevaert tot Onse L. Vrou tot Amersfoert ende het wert siende. Ende zij deden haer bevaert.
284
Item een wijff van Paessel bij Vrieslandt, had een dochter bij die schapen gaende ende bleeff iiij uren doot. Die moeder loeffde haer bevaert t’ Amersfoert, waer dat daer leven in quaem. Ende terstont ontwerpt dat kijndt. Ende hebben mitten kijnde haer bevaert gedaen.
285
Item het was een kijndt van iij jaeren te Nijewaal bij Goenijngen, ende viel in dat water. Ende die vader vant dat kijndt doot en bleeff iiij uren doot. Ende die vrienden loeffden mit moeder en mit dat kijndt, waert dat daer leven in mochte coemen, t’Amersfoert te versoecken. Ende terstont wert dat kijndt toepende. Ende zij hebben haer bevaert gedaen. Ende di t hebben vader ende moeder selver geseijt.
