MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
289
Item het was een kijndt van Deventer van vij jaeren, dat alle leven stom had geweest. Die ouders loeffden haer bevaert tot Onse L. Vrou t’ Amersfoert ende tkijndt wert spreeckende. Ende zij hebben haer bevaert gedaen, danckende God ende Maria.
290
Item Anno XLIX des Dijnsdaechs nae Pinxteren is gecoemen een man, geboren vuijt den lande van Zutphen, die gevangen lach te Nijmmeghen op zijn lijff. Ende heeft gedacht vander genaden, die Onse L. Vrou t’ Amersfoert dede. Ende heeft gedacht vander genaden, die Onse L.Vrou t’ Amersfoert dede. Ende heeft ootmoedleijck mit ganser harten die geloeft te versoeckenh, terstont, mocht hij verlost worden, want hij duchtende was van zijn lijve. En rechtevoert is hij losse gewoprden van allen banden ende hechten. En die Rechter scholt hem vrij, quijt en losse.
291
Item daer was een man gevangen te Nijmmeghen mit onrecht. Ende hij en conde daer vuijt coemen. Hij loeffde zijn bevaert tot Onse L. Vrou t’ Amersfoert; rechtevoert quam die richter en sloot hem vuijt. Ende hij heeft zijn bevaert gedaen.
292
Item een vrou van Leijden ghijnck in arbeit van kijnde. Ende zij en conde des kijndts nijet genesen. Ende haer wert alle haer gerecht gedaen. Ende zij wiste anders niet, dan in dat kijndt te sterven. Ende die vroemnoeder loeffde die moeder mit den kijnde te weghen mit wijn ende weijt, mit silver, mit wasch ende mit vlas.
