MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
310
Item het was een man groeter zieckten cruepel geworden, soe dat hijop ij krucken moste gaen. En doe hem niemant konde gesont maecken, soe heeft hij zijn bevaert tot Onse L. Vrouwe t’Amersfoert geloeft, ende hij iis gesont geworden ende heeft zijn krucken hier gelaten.
311
Item het was een vuijt Vrieslandt, die had een moeder die alzo zieck was aen haer tonghe, die geheven was, soe dat zij nijet spreecken, eeten noch drincken en konde. Zij loeffde haer bevaert ende zij wert gesont.
312
Item het was een man van Dortdrecht seer sieck. Die loeffde zijn bevaert tot Sint Adriaen, dat hem weinich holp. Doe riep jhij aen Onse L. Vrou en loeffde die t’Amersfoert te versoecken ende hij wert gesont. Maer zijn lofte, dat hij Onser Vropuw een geloeft had te versoecken, dat bleeff hij schuldich, ende en volbrachts niet in een wijel tijts, soe dattet gebeurde, dat hij soude een tafel laten maecken daer Sinter Nicolaes legende in staen soude, want hij was een ouderman was van Sinter Claes gilde t’Dordrecht. Ende doe het hem die schilder off d’maelre nae sijnen will niet gemaeckt en had, alzo hij hem bevolen had, doe wertt hij seer toernich ende qualick dan maelre toe, soe dat hij doe beseten weert mitten vijandt ende weert seer iammerlicken gequelt. Doe wert die leste zieckt quader dan die eerste geweest had. Ende doe riepen die geen die bij hem waren, die zijn vrienden waren, Onser L. Vrouwemn weder aen. En geloeffden Onse Vrou te versoecken tot Amersfoert, alsoe vroch alshij verlost worde. Hij wert weder anderwerff gesont ende verlost. Ende hij is elver gecoemen ende heeft zijn bevaert haestelickern gedaen, ende heeft dit selffs geseijt. Daerom loeft en betaelt, seijt David, op dat U niet quader en geschie.
