MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
312
Item het was een man van Dortdrecht seer sieck. Die loeffde zijn bevaert tot Sint Adriaen, dat hem weinich holp. Doe riep jhij aen Onse L. Vrou en loeffde die t’Amersfoert te versoecken ende hij wert gesont. Maer zijn lofte, dat hij Onser Vropuw een geloeft had te versoecken, dat bleeff hij schuldich, ende en volbrachts niet in een wijel tijts, soe dattet gebeurde, dat hij soude een tafel laten maecken daer Sinter Nicolaes legende in staen soude, want hij was een ouderman was van Sinter Claes gilde t’Dordrecht. Ende doe het hem die schilder off d’maelre nae sijnen will niet gemaeckt en had, alzo hij hem bevolen had, doe wertt hij seer toernich ende qualick dan maelre toe, soe dat hij doe beseten weert mitten vijandt ende weert seer iammerlicken gequelt. Doe wert die leste zieckt quader dan die eerste geweest had. Ende doe riepen die geen die bij hem waren, die zijn vrienden waren, Onser L. Vrouwemn weder aen. En geloeffden Onse Vrou te versoecken tot Amersfoert, alsoe vroch alshij verlost worde. Hij wert weder anderwerff gesont ende verlost. Ende hij is elver gecoemen ende heeft zijn bevaert haestelickern gedaen, ende heeft dit selffs geseijt. Daerom loeft en betaelt, seijt David, op dat U niet quader en geschie.
313
Item het was een vrou van Groeningen, also seer beladen mitden water, dat haer buijck veel groter was, dan off zij levendich kijnt gedragen had. Ende die navel van haer buijck was haer gewassen buijten wel ij duijmen breet vanden licheem. Ende had daer toe een seer verveerlich seer inden lieve. Ende en wiste geen hulpe te chriegen van enighe meijsters, alsoe dat zij hoerden segghen van Onser L. Vrouwen beelde t’ Amersfoert van seer veel genaden dat dat dede. Altehant heeft zij geloeft Onse L. Vrou t’Amersfoert mit goede gebneden, oft haer zijelen salicheijt waer, dat zij gesont mochte werden. Des nachts als zij een weinich soude rusten, dochte haer in haer slaep, dat daer quam een joncfrouwe, ende ontbrandt haer oer gordel vanden lieve. Ende als zij ontspranck, soe was zij alinge ende gesont van allen zijeckheden. Ende is hier geweest ende heeft Onser Liever Vrouwen daer off gedanckt ende geloeft.
