MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
321
Item bij Dordrecht was een vrouwe ende had een kijndt van IX jaeren, stom ende lam ende zijn voeten stonden hem al binnen voets. Ende most dat kijnt voeren op een hordewaghen, waer dattet wesen wolde. EAnde dese moeder loeffde Onse L. Vrou te versueckedn mit den kijnde ende dat kijndt voer Onse L. Vrou te brengen mit den hiordewaghen.Inden weghen, als zij was mit den kijnde, wert dat kijndt spreeckende ende doe het t’Amersfoert quam voer Onse L.vrou, doe ghijngen hem zijn voeten te recht staen. Ende dat kijndt is gesont ende machtich van hier gegaen mit zijn moeder en hebben die waghen hier gelaten.
322
Item het was een kijndt, dat wert bezuket op Onse L. Vrouwen visitationis dach, inden jear van vijftich (1450), als mit die iamerlicke zuijcket van S. Cornelis. Die moeder loeffde dat kijndt t e weghen voer Onse L. Vrou t’Amersfoert ende te handt wert en bleeff dat kijnt gesont.
323
Item het was een man vuijt Westphalen, die zijn rechter handt alzo lam was, dat se hem al stijff ende en mochtes niet roeren. Doe loeffde hij Onse L.Vrou t’Amersfoert te versoecken mit zijnre offerhande ende die handt is hem gesont geworden en mocht den well roeren, gelijck off hij daer nije gebreck aen had gehadt.
324
Item het was een schaepharde ende quam t’Amersfoert tot Onser L. Vrouwen en seijde, hoe dat hem onversienlick zijn mont slim toech besiden aen zijn wanghen. Ende hij loeffde zijn bevaert tot Onse L. Vrou t’Amersfoert ende zijn mont wert roekeloos weder gesont.
