MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
343
Item het was een vrouwe van Deventer, die soe bijsinnich wert ende soe onseeedich; recht off zij beseeten hadde geweest. Haer vrienden loeffden haer bevaert ende te hant wert zij slapende. En doe zij weder ontwaeckte was zij gesont en wel te pas.
344
Item was een vrouwe bij Utrecht int Veen, d’seer lange in arbeijde ghijnck van kijnde, alzoe dat all die vrouwen iamer aen haer saghen. Zij loeffde dat kijndt voer Ons L. Vrou te weghen, ende te hant wert zij ontbonden ende verlost.
345
Item het was een vrouwe van Campen, die sieck lach wel XV maenden lanck, dat haer geen meijster helpen en konde, alzo datmensen omkeerden mit een sleplaecken, ende men anxt had, dat zij lam soude blieven. Zij loeffde Onse L. Vrou t’Amersfoert te versucken ende te hant wert zij gesont ende is opgestaen en dede haer bevaert.
346
Item het was een maghet van Leijden, die lange tijt bijster haerre sinnen geweest had, daarmen veel hulps om gesocht hadde, ende niet en halp. Doe loeffde zij haer bevaert tot Onse L. Vrouwen. Ende zij is weder gesont geworden ende well te pas. Ende heeft haer bevaert gedaen.
