MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
347
Item het was een vrou van Utrecht, die viel haer eenen arm bujten lede, alzo dat zij daer lange tijt lam aen bleeff. Ende wat zij meysterde, het en halp nijet. Zij loeffde haer bevaert t’ Amerfsoert ende zij wert gesont, maer die eene hant bleeff cleijnder als die ander.
348
Item het was een man van Amersfoert, die in die zee zeijlen quam, daer hem een stercke sturm bestoecte, alzo dat zij seer arbeijden. Te hant meenden die soon dat die vader over boert geweest had. Ende liep totten touwe daer hij van geslagen wert, dat hij ij uren voer doot lach. Die vader loeffde zijn bevaert zijn soon te weghen tot Onser L. Vrouwen ende te hant stont hij op, ende was gesont, als hij vooren geweest hadde.
349
Item het was een man van Apcouwe, die een cleijn kijndeken hadde, dat gevallen was in een vat mit water, ende lach daer innen verdroincken wel ij uren. Als die vader dat kijndt aldus inden water vandt, sonder teijken des levens, riep hij Onse L. Vrouwe aen ende loeffdese t’ Amersfoert te versuecken mitten kijnde levendich off doot. Ende te hant begon dat kijnt te schreijen ende was gesont.
350
Item het was een knecht van Noorthoorn in Vrieslandt, ende sat gevangen van een hoeffman in een swaere vanckenis. Hij wert denckende op die ghenade alzo sijnt, alsmen seijt, verlosset mij. Ick zal u mit mijnre gaven versuecken.” Des middernachts ghijnck die stock selver op ende ghijnck sonder hijnder daer hij Woude. Ende hij quam en dede zijn bevaert.
