MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
350
Item het was een knecht van Noorthoorn in Vrieslandt, ende sat gevangen van een hoeffman in een swaere vanckenis. Hij wert denckende op die ghenade alzo sijnt, alsmen seijt, verlosset mij. Ick zal u mit mijnre gaven versuecken.” Des middernachts ghijnck die stock selver op ende ghijnck sonder hijnder daer hij Woude. Ende hij quam en dede zijn bevaert.
351
Item het was een vrou van Schoenhoven, die een groote ween van vleijssche hadde boven haeren rake mont, die soe hardt was als een steen, die oock geen meijster dorst snieden off meijsteren, ende gavense over. Ende zij en konde nijet innen nemen dan wat nats. Zij riep aen onse L. Vrou en loeffde haer bevaert t’ Amersfoert. Te hant bestont zij te beteren. Ende zij heeft die ween selver mit een zijeden vadem vuijtgetoghen haer mont. Ende zij is mit ie ween gecomen en dede haer bevaert.
352
Item het was een man van Campen, die een ionck maechdeken hadde van vijff jaeren, ende liep spielen mit die kijnderen ende viel int water, alzo dat dit vader off moeder niet en wisten, hoe lange dattet int water geweest hadde. Die moeder mistet kijndt en riep ellendeloick. Ende zij sochtet mit den buren int water. Ten laesten saghen zij een handt vant kijndt. Doe toghen zijn vuijten water. Doe waren alle zijn leden all stijff. Die moedeer loeffde dat kijndt te weghen voer Onse L. Vrou t’ Amersfoert ende te hant wert dat kijndt schreijende ende weder levendich.
