MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
398
Item int jaer Ons Heeren MCCCCLj des daechs nae Alderheijlighen doe was Johan Meliszoon in die zee om harinck te vangen, die mit zijn gesellen van zijn netten gedreven was overmits groote sturm. Doe heeft die stuerman mit zijn xxiiij gesellen Godt ende Maria zijnre moeder geloeft t’ Amersfoert te versuecken, wollen en bervoets. Ende te hant is die wijnt gaen liggen ende vonden haer netten weder ende twe last harincks daer inne. Ende quamen aen het landt, bljde ende vroe.
399
Item int jaer MCCCCLij des Zaterdaachs voer Onse L. Vrouwenvaert, quam een man, die mit zijn kijndt in die wilde zee over boert viel. Ende hij riep Onse L. Vrou tot Amersfoert aen ende quam mit den golven weder aent schip. Ende dat kijndt van ij jaeren, mit Onse L. Vrouwen hulp, vaert aent schip mit een opgaende waghe. Ende zij toghent op. En dat kijndt quam mit zijn vader en dede zijn bevaert.
400
Item het was een jongman vuijt Oost Vrieslandt vant derp Scharel, geheeten Subke Bockelsz, die was gesteecken mit een pieck voer zijn buick, dat achter vuijt quam. Ende was gegoemt alzo, dat alle meijsters hem over gaven. Doe viel hij aen Onsder L. Vrouwen t’ Amersfoert, daer hij zijn bevaert loeffde, ende is daer nae well genesen. Ende hij heeft alhier wel genesen zijn bevaert gedaen.
