MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
428
Item anno Lxiij was een vroukwn vanden Aenstoet in Veluwen en had een jonck kijndt, welck zij vant leggen verdrenct in een tobbe mit water. Dit kijndt toech zij haestelick vuijt den tobbe ende heeft het langer dan een ure voor doot gehouden. In dese droeffenis soe heeft dit vrouken haer bevaert geloeft te versuecken dat weerde beeldt van Onser Lieve Vrouwen tot Amersfoert. Ende terstont soe is dat kijndt levende geworden
429
Item het was een vrou van Kesteren ende had een soentgen van acht off negen iaren, dat seer zieck was, want het in lange tijt geen water loosen en konde, ende scheen altemael geborsten te hebben. Die vader is geseten, treckende aen zijn hooch schoen, om te gan soecken een meijster die tkijndt helpen mocht, Dus sittende is hij denckende geworden op dat weerde beeldt van Maria t'Amersfoert. Ende heeft zijn bevaert geloeft dit beeldt selfs te versuecken. Ende haestelick hier nae is dat kijndt dat water offgegaan ende is gesont geworden..
430
Item het was een man vuijt Maeslandt, ende had langer dan een iaer doeff geweest, alsoe dat hij niet hooren en konde. Dese heeft aengeroepen Maria die Moeder Goedts ende zijn bevaert geloeft te versuecken dat weerde Marien beeldt tot Amersfoert. Ende terstont is hij hoorende geworden.
