MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
460
Item daer was een schip vander Veer gezeijlt tot S.Jacob mit een deel gesellen. Ende doe zij wederomme quamen in die Spaensche zee, doe quamen sij gezeijlen op een Witte donredach, dat zij allen besloten waren in een steenclip. Ende zij en wisten anders niet, dan zij all verdrencken souden. Ende daer was een man van Utrecht mede ende seijde dat daer was een beelde van Onser L. Vrouwen, daer God veel teijkenen ende mirakelen doer dede. Ende dat zij daer haer bevaert souden loven, als zij deden. Ende rechtevoert schoet die wijnt om ende zij zeijlden weder vuijt den gaet, daer zij ingecomen waren. Ende werden verlost en zij quamen hier en deden haerbevaert.
461
Item het was een man vuijt Karmerlandt, die had zijn been twe werff gebroecken, alzo dat hij lange tijt op krucken reedt. Ende hij loeffde hier Onse L. Vrouwe te versuecken. Ende hij quam hier rieden van Eembrugge te peerde. Ende hij reedt mit dat peerdt in die kercke voer Onse L. Vrou ende dede zijn bedevaert. Ende hij reckte zij quade been vuijt ende wert gesont. Ende offerde zijn krucken ende reedt gesont vuijt die kerck.
462
Item daer was een schip vuijt Hollandt gezijlt tot S.Jacob ende was onder weghen in groter water noodt. Ende zij loeffden haer bevaert tot Onse L. Vrou hier. Ende werden haestelick verlost.
