MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
526
Item het was een man t'Amsterdam ende was well out Lxxx iaeren ende deze man had een gat in zijn been, dat hij wel XL iaeren daer inne gehadt hadde. Ende hij hadde daer veel meijsters mede versocht, maer gheen meijsters konden hem dat gat toe heelen. Soe is gevallen, dat dit been is beginnen te swellen ende is also dick ende zeer geworden, dat deze man op dat been niet gaen en koste. Ende hij heeft aengeroepen God almachtich ende Onse L.Vrouwe t'Amersfoert. Ende dat been is gesloncken ende dat gat heel geworden in iij daghen. Ende hij is gecomen en heeft zijn bevaert gedaen den anderen dach nae S.Jacob. Anno Domini Mcccc xcvij.
527
Item het was een vrou van Swoll ende was beseten mit den boosen viandt, daer ons Godt voer beschermen wil, die aen niemant geen troest en wist te verchriegen, soe is zij gedachtich geworden der groten gratien ende genaden, die daer schieden t’Amersfoert, doer bede van Onser Lievet Vrouwen. Soe hebben die vrienden geloeft te versuecken dat beeldt van Onser L. Vrouwen t’Amersfoert mit deser vrouwen. Ende zij sijnt gecomen en hebben haer bevaert gedaen ende hebben neerstelick aengeroepen God ende die ghenade. Onser L. Vrouwen ende hebbense verchregen. Ende die vrou is verlost sonder enich vermanen off toedoen van enighe menschen; maer alleen door bede ende genade Onser L. Vrouwen, acht daghen voor Onse L.Vrouwen avont in die vasten Anno Domini nostri Mccc xcviij.
