MIRAKELBOECK
ONSER LIEVER VROUWEN
‘T AMERSFOERT
Uitgave ‘Het Onze Lieve Vrouwe Gilde”
Amersfoort 1946
528
Item het was een man van Rijnswijck die was gevangen ende wert seergepijnicht, alsodat zij hem namen en bonden zijn handen op zijn rugge. Ende namen een seel ende bonden dat aen zijn handen en toegen hem daer mede op ende lieten hem soe wel hangen vijff uren lanck ende alsus hangende, soe is hij denckende geworden op die gratie ende ghenade, die Onse L. Vrouwe daechgelicxs is doende door haer beeldt t’Amersfoert. Ende hij heeft zijn bevaert geloeft t’Amersfoert voor Onse L. Vrou. Ende doe hij dat geloeft hadde, all hadde hij x uren lanck gehangen, ten schade hem noet. Ende wat zij hem aen deden, zij kosten hem geen seerte aen doen. Ende dit geschiede des vasteavonts int jaer Mccccc. Ende hij is gecomen en heeft zijn bevaert gedaen, ende heeft dit te kennen gegeven int jaer voerseijt.
529
Item het was een man van Rijnswou en had een knechtgen van IX off X iaren, dat lach drie weecken dattet niet spreecken noch gaen en koste. Ende die ouders hebben haer bevaert geloeft t’Amersfoert voor Onse Lieve Vrouwe ende dat kijndt is weder gaende ende oock spreeckende geworden. Ende zij hebben haer bevaert gedaen. Anno Mcccc.
